Gazetari i Basir Çollaku ka publikuar ditën e sotme dokumente që, sipas tij vërtetojnë se babi i ish-ministrit Saimir Tahiri dhe bashkëshortja e tij, kanë udhëtuar së bashku me Moisi Habilaj drejt italisë. I ftuar në emision “Opinion”, Çollaku tha se udhëtimi i tyre nuk është shënuar në sistemin TIMS, por janë në listën e udhëtarëve
Ai shtoi më tej se akuzat për Tahirin janë të njëjta me ato të Klement Balilit. Sipas tij personat e tjerë që janë akuzuar për këto vepra penale janë arrestuar, ndërsa Tahiri po hetohet në gjendje të lirë.
“Unë këtu kam dokumente që tregojnë udhëtimin e Moisi Habilajt me babain e Tahirit dhe bashkëshorten e tij Fatlinda Tahiri drejt Italisë. Nuk janë shënuar në sistemin TIMS, por janë në listat e udhëtimit të kompanisë, Al Italia. Pasaportat e tyre janë sekuestruar nga prokuroria dhe aty janë gjetur vulat. Në Rinas nuk kanë asnjë vulë, por vetëm vula e Italisë. Kjo është bërë për të mos faktuar udhëtimet. Ka dhe udhëtime të tjera”, tha gazetari Çollku.