Vaksinat e fruthit, shytave dhe rubeolës nuk rrit rrezikun e autizmit dhe nuk shkakton autizëm tek fëmijët që janë në rrezik, sipas një studimi të ri të kryer në 650 mijë fëmijë.
Studiuesit përdorën regjistrin e lindjeve në Danimarkë mes viteve 1999-2010, ku u panë diagnozat e çrregullimeve të spektrit autik, faktorët e rrezikut, duke përfshirë moshën e prindërve, shenjat e saj tek motra e vëllezër, lindja e parakohshme dhe pesha e vogël në lindje.
Sipas CNN, 95% e fëmijëve e kishin bërë vaksinën MMR, dhe 6517 ishin diagnostikuar me autizëm. Vaksina e MMR nuk e rriti rrezikun e autizmit tek fëmijët të konsideruar me rrezik për këtë çregullim dhe nuk e nxisnin atë.
“Ideja se vaksinat shkaktojnë autizmin ekzistojnë ende dhe po flitet shumë në rrjetet sociale”, thotë Anders Hviid, drejtuesi i studimit. Grupi gjithnjë në rritje kundër vaksinave, përfshi këtu politikanë dhe njerëz të famshëm në Danimarkë, nxiti Hviid dhe skuadrën e tij të bënte studimin për të siguruar më shumë prova shkencore të forta kundër kësaj.
Organizata Botërore e Shëndetësisë e ka quajtur hezitimin apo refuzimin për të bërë vaksinat si një nga dhjetë kërcënimet e shëndetit global për 2019-tën.