Detaje të tjera janë bërë me dije lidhur me kontrollin që Policia bëri në banesën e ish-kryeprokurorit Adriatik Llalla.
Në një lidhje direkte me emisionin “Opinion”, gazetari Besar Bajraktaraj bëri me dije se efektivët kanë pyetur dhe të shoqen e Llallës për vendndodhjen e bashkëshortit, por kjo e fundit nuk ka dhënë asnjë koment.
“S’kam dijeni ku ndodhet bashkëshorti im!,”-mësohet se është shprehur ajo. Ndërkohë që vetëm pak momente më parë, teksa hynte në banesën e saj u kishte drejtuar gishtin e mesit gazetarëve duke i ofenduar.