Punimet në aneksin e impiantit sportiv “Liri Ballabani”, në qytetin e Burrelit, janë intansifikuar nga firma ndërtuese.
Ngjitur me këtë stadium po ndërtohet një fushë tjetër futbolli me parametrat e kërkuar, në të cilën do të stërvitet skuadra e Kategorisë së Parë, ekipet zinxhirë dhe do të luhen edhe ndeshje zyrtare të moshave.
Është menduar po ashtu për ndërtimin e një kalçetoje si dhe mjedise për futbollistët, trajnerët e mirëmbajtësit e terreneve sportive.
Kryetari i Bashkisë Mat Agron Malaj vazhdon të këmbëngulë për shtimin e mjediseve sportive në të gjitha njësitë administrative, sidomos pranë çdo shkolle të mesme dhe 9 vjeçare, në qytetin e Burrelit dhe zonat rurale.
