Një konflikt i çastit në të cilin u përfshinë disa persona ka degraduar në dhunë fizike dhe në përdorimin e sendeve të forta. Gazetarja Lorena Kodra bën me dije për “BalkanWeb” se njëri prej tyre ka marrë edhe plagë të rënda në trup.
Ngjarja ka ndodhur në vendin e quajtur “Dritat e Verdha në qytetin e Korçes.
Sipas informacioneve paraprake mësohet se i dëmtuari ka marrë fraktura në trup por është jashtë rrezikut për jetën. Ndërkohë policia ndodhet në vendngjarje për zbardhjen e ngjarjes.
Korçë/Informacion paraprak
Më datë 09.10.2021, rreth orës 17:20, në lagjen nr. 17, Korçë, në rrugën “Muzakajt”, gjatë një konflikti të çastit midis disa shtetasve, është dëmtuar me mjete të forta shtetasi E. Sh., i cili ndodhet në Spitalin e Korçës, jashtë rrezikut për jetën.
Shtetasit e tjerë të përfshirë në këtë konflikt, aktualisht ndodhen të shoqëruar në ambientet e Komisariatit të Policisë Korçë, për veprime të mëtejshme.
Grupi hetimor po punon për të sqaruar rrethanat e ngjarjes.