Gazetari Abdurahim Ashiku vijon të publikojë lajme dhe reagime në lidhje me ndërtimin e H/C të Skavicës në rrethin e Dibrës. Ai dhe intelektualë të tjerë të kësaj treve shprehen se ndërtimi i kësaj vepre do të dëmtojë historinë e Dibrës. Sipas Ashikut qëllimi i ndërtimit të Skavicës është të “mbrojë Shkodrën dhe ultësirën bregdetare veriore nga përmbytjet.”
Postimi i Ashikut:
ÇFARË ËSHTË HURDHA?
Në fjalorin e gjuhës shqipe fjala hurdhë do të thotë një gropë me ujë të ndenjur…
Në fjalorin e bujkut dibran hurdha është një rezervuar i vogël që sajohet pak poshtë çezmave për të grumbulluar ujin për vaditjen e misrit, perimeve e të tjera.
Në varësi nga sasia e ujit që rrjedh nga burimi hurdhat mbushen për 24 apo 48 orë, moment kur sifoni hapet dhe uji rrjedh për vaditje.
Kjo është një praktikë shekullore e dibranëve në fushë e në mal për ti marrë tokës një prodhim sa më të madh.
Po HURDHA E SKAVICËS çfarë misioni ka?
Sipas kryeministrit të Shqipërisë ajo do të shërbejë si rezervuar që hapet e mbyllet për të rregulluar regjimin ujor në hidrocentralet e kaskadës së Drinit.
Një patronazhist dibran thotë se Skavica “mbron Shkodrën dhe ultësirën bregdetare veriore nga përmbytjet, sepse kur ka reshje te jashtëzakonshme mbyll portat ndërsa ne rast thatësire të madhe, hapen portat dhe siguron kapacitetet e plota për hidrocentralet e tjera.”
Për tokën dhe varret e të kaluarën historike të tij që i mbytet ai thotë se “ajo pjesë e tokës sime (që është e vogël dhe inproduktive) as nuk më pasuron dhe as nuk më varfëron”