Deputeti Dashamir Shehi, ka komentuar zhvillimet e fundit në vend.
Ai gjykon se kriza energjitike nuk duhet ta prekte Shqipërinë në këto përmasa.
Shehu thotë se qeveria dhe kryeministri Rama e lanë situatën për momentin e fundit, duke mos iu bërë pararojë përmes politikave.
“Është reale, vendi është në krizë për këtë punë. Puna është pse hymë në këtë krizë, sa realë janë faktorët që e prunë krizën. Politika është për ti dalë gjërave përpara, ditën që ndodhin nuk ka nevojë më për politikanë. Ky e ka lënë këtë punë në minutë të fundit, si ka dalë përpara me politika. Do t’ja shkarkojë komunitetit ndërkombëtar sikur është një ndodhi natyrore si tërmeti, vullkani, do ta shkarkojë te tregu ndërkombëtar, nuk po e mohojmë, por problemi i qeverisë është sa e afekton ajo që po ndodh matanë Shqipërinë, si do ta reduktojmë efektin e asaj që po ndodh në këtë sektor, çfarë na ka munguar gjatë gjithë këtyre viteve që jemi në këtë gjendje, çfarë na ka munguar gjatë këtij viti në menaxhimin e kësaj situate. Këto janë temat që duhet tu përgjigjet kryeministri, jo të bëjë të paditurin. Në Shqipëri nuk kishte pse të ndodhë në këto dimensione, varësia nga tregu ndërkombëtar është e tillë. Jemi prodhues vetë”, tha Shehu për Ora News.