Ambasada britanike në Tiranë ka shpërndarë deklaratën e ministres britanike me Europën Wendy Morton, pas takimit që ajo zhvilloi me kryetarin e Partisë Demokratike Lulzim Basha.
Në një status në twitter, ajo shkruan se ka pasur një takim të frytshëm me Bashën në lidhje me situatën aktuale politike në Shqipëri duke theksuar se partitë opozita duhet të kenë një rol të rëndësishëm për përfaqësuar zërin e qytetarëve.
“Diskutim i frytshëm me Kryetarin e Partisë Demokratike Lulzim Basha mbi situatën aktuale politike në Shqipëri. Partitë opozitare mund të kenë rol të rëndësishëm në Parlament për të forcuar demokracinë dhe për të garantuar se zërat e të gjithë qytetarëve janë të përfaqësuara”, thuhet në postim.