Reperi Tyga është akuzuar për dhunë në familje nga ish e dashura e tij, Camaryn Swanson.
Sipas “TMZ”, Swanson thuhet se u shfaq në shtëpinë e Tyga-s në orën 3 të mëngjesit të hënën. Sipas një burimi, reperi e kishte detyruar ish të dashurën të shkonte me të dhe dukej se ishte e dehur gjatë kohës që bërtiste në pragun e shtëpisë. Në atë moment ata hynë brenda për të folur privatisht.
Swanson pretendoi në polici se Tyga ushtroi dhunë ndaj saj. Ajo shtoi se ishte e ëma ajo që e nxorri nga shtëpia e tij, e cila më pas raportoi ngjarjen në polici. Sipas “TMZ”, Tyga nuk është arrestuar, por do të paraqitet sot në rajonin e policisë për t’u pyetur për ngjarjen.
Ndërkohë, Swanson postoi fotografi të vetes në mediat sociale, ku shfaqet e nxirë dhe e ënjtur në pjesë të caktuara të fytyrës. Ajo publikoi edhe mesazhet që pretendonin se Tyga, në fakt, dërgoi dikë me makinë për ta marrë atë.
“Unë jam shumë e turpëruar dhe në siklet që arrita deri këtu, por duhet të flas për veten time,” shkroi 22-vjeçarja krahas imazheve.
Nuk dihet kur Tyga dhe Swanson u ndanë. Dyshja e bënë lidhjen zyrtare në Instagram në pranverë dhe Swanson është fotografuar dy herë me një unazë të madhe në dorën e majtë.
