Dibra, është vendi i radhës ku ish-kryeministri Sali Berisha do të ndalet për të ngritur “Foltoren e PD-së”.
Në një status në “Facebook”, Berisha ka njoftuar se ditën e nesërme në orën 17:00 ai do të mbajë foltoren e rradhës.
Postimi i Berishës:
Njoftim!
Diten e marte me daten 19 tetor ne ora 17:00 ne Pallatin e Kultures te Peshkopise do mbahet “Foltorja: Per nje Parti Demokratike me te bashkuar, me te forte, me te hapur”.
Ftoj demokratet dhe demokratët e Peshkopise te marrin pjese. Vetem te bashkuar fitojme! sb
Ky është takimi i tetë që do mbajë Berisha në kuadër të lëvizjes që ka nisur pas përjashtimit të tij nga grupi parlamentar i Partisë Demokratike me vendim personal të kryedemokratit, Lulzim Basha.
Demokratët e Matit, Dibrës dhe Bulqizës gjatë prononcimeve të tyre në rrjetet sociale janë ndarë. Disa drejtues aktual dhe ish drejtues shprehen se do të jenë në takimin me ish liderin historik të PD-së dhe e mbështesin atë, ndërkohë pjesa tjetër thonë se misioni i Berishës ka mbaruar dhe se ai duhet të tërhiqet nga kjo lëvizje.