Gazetari Elton Qyno ka zbardhur detajet lidhur me dosjen e prokurorisë së Vlorës e Tiranës lidhur me një grup kriminal që vepronte në së paku këto 2 qytete.
Ai tha se një nga 3 personat që po hetohet është një ish-polic që ka punuar si IT në polici dhe ka rezultuar si i implikuar në një nga grupet kriminale më të rrezikshme në Vlorë.
Qyno shtoi se këto personazhe janë shumë të fuqishme në Tiranë dhe në shumë qytete të tjera. Këta janë përfshirë në shumë vrasje kriminale në Tiranë dhe Vlorë, më 3-4 viktima.
“Ka një dosje që është hetuar nga prokuroria e Vlorës dhe më pas ka kaluar në Tiranë, sepse bëhet fjalë për një grup kriminal që vepron në Vlorë, por edhe në Tiranë. Një nga 3 personat që po hetohet është një ish-polic që ka punuar si IT në polici. Ai doli i implikuar në një nga grupet kriminale më të rrezikshme në Vlorë dhe merrte informacione për një personazh të botës së krimit dhe ia kalonte grupit që bashkëpunonte. Roli i tij ka qenë për të dhënë informacione, duke i marrë nga policia si dhe duke përdorur një agjenci turistike në zonën e Myslym Shyrit.
Punonjësja e agjencisë turistike dhe i fejuari saj akuzohen për sigurimin e informacioneve për vrasjen e një personi tjetër.
Këto personazhe janë shumë të fuqishëm në Tiranë dhe në shumë qytete të tjera. Këta janë përfshirë në shumë vrasje kriminale në Tiranë dhe Vlorë, me 3-4 viktima. Ka dy grupe që veprojnë në Vlorë dhe Tiranë. Ai i Tiranës është më i fuqishëm nga ana ekonomike. Grupi i Vlorës është më agresiv dhe hidhet me shpejt në sulm me armë”, tha Qyno për Ora News.