Autoambulancat po shtohen në oborrin e spitalit Infektiv, ku sipas mjekëve të urgjencës, paraqiten çdo ditë mesatarisht 20 pacientë.
Pjesa më e madhe e pacientëve nuk janë vaksinuar, por ka nga ata që kane bërë vaksinën si dhe nuk mungojnë rastet që e kanë kaluar Covid-in. Shqetësues është fakti se tanimë pothuajse gjysma e pacientëve që shtrohen janë mosha të reja te të cilët ka pasur edhe humbje jete.
Në spitalin Covid 1 janë dhe dy gra që sapo kanë sjellë në jetë foshnjat e tyre dhe po kalojnë Covid-in në gjendje të rëndë shëndetësore.
Me uljen e temperaturave, situata e koronavirusit ka nisur të përkeqësohet, përveç numrit të lartë të të shtruarve në spital, një numër më i madh pacientësh trajtohen me oksigjen në shtëpi.