Naim Qarri në një intervistë ekskluzive për “Topchanel”, tashmë që ai ndodhet në shtëpi pas marrjes së masës së dënimit, nuk e beson se ajo dhunë ka ndodhur në stadiumin e skuadrës që ai financon për një dekadë. Naimi është një nga presidentët më të vjetër në futbollin shqiptar, ndërsa bën apel që të falet skuadra dhe të mendohet për ata futbollistë që janë familjarë: “Ndihem shumë keq për këtë ngjarje që ndodhi. Nuk jam kurrë që këto gjëra të ndodhnin të unë dhe familja ime. U kërkoj falje të gjithë familjarëve dhe aktorëve që ishin në fushë, apo atyre që e kanë parë atë ndeshje edhe nga televizioni”.
Qarri ka folur edhe për gjyqtarin Hamiti. “Në momentin e parë që kam dalë, telefonata ime e parë ka qenë me gjyqtarin, i kam kërkuar ndjesë. I lutem mediave ta heqin atë pjesë dhe të mos e transmetojnë më, për mua si familjar është shumë e rëndë”.
Në fund, presidenti i skuadrës së Kamzës, që për 3 vjet nuk do të shohë më skuadrën e tij, por edhe ekipet e tjera në stadium kërkon që skuadra të rikthehet në fushë. “Për dënimin është shumë i rëndë, të paktën të mendojnë për ata lojtarë që janë prind e kanë fëmijë. I lutem FSHF-së që ta rishohin vendimin, të mendojë vetëm për stafin dhe lojtarët”, – kanë qenë këto fjalët e presidentit të skuadrës së Kamzës, Naim Qarri.