Një i ri shqiptar është vrarë me thikë në Gjermani. Mësohet se ai është gjetur nga disa kalimtarë i mbuluar me gjak në Këln.
Thuhet se shqiptari nuk ishte banor i zonës, ndërsa në Këln kishte shkuar për të vizituar një të afërm. Identiteti i tij ende nuk bëhet me dije.
Dyshohet se mes autorit dhe viktimës, fillimisht ka pasur një debat, i cili agravoi dhe përfundoi në vrasje. Detaje të reja priten në vijim, ndërsa autoritetet kanë nisur hetimet.
Sa i përket autorit të krimit, raportohet se ai kishte veshur një bluzë të bardhë.
Tashmë po pyeten dëshmitarët për të zbuluar më shumë detaje që çojnë në identifikimin dhe kapjen e vrasësit.