Lirim Zendeli ishte i vetmi shqiptar që garonte në Formula, ku falë rezultateve të shkëlqyera ai hap pas hapi nga F4 u ngjit në F2.
Kur të gjithë po shpresonim se së shpejti do ta shihnim në garat kryesore të Formual 1, Zendeli jep lajmin e hidhur duke njoftuar se është tërhequr për shkak të financave që u ndikuan shumë nga pandemia.
Në fund të postimit të tij, ai lë edhe pak vend për optimizën duke thënë do të provojë gjithçka për një gjetur të mundësi për t’u kthyer.
Postimi i plotë:
Përshëndetje ndjekës/fansa/miq
Fatkeqësisht kam marrë një lajm të hidhur..Po tërhiqem shpejt.
Nuk do të jem në gjendje të vazhdoj më në F2 për arsye financiare. Pandemia e ka zvogëluar edhe më tej buxhetin tim tashmë shumë të ngushtë. Së pari dua të falënderoj sponsorët e mi nga Gjermania që kanë qenë të besueshëm dhe nuk janë arsyeja e prerjes së papritur.
Sidomos Ajdini i cili duhej të mbulonte boshllëqet e papritura buxhetore të shkaktuara nga premtimet që nuk mbahen nga dikush tjetër. Jam krenar që mund të kem mundësinë të konkuroj në F2 duke ardhur nga “një familje normale” monetarisht. Dua të falënderoj gjithashtu @officialmpmotorsport i cili ka qenë i durueshëm dhe mbështetës gjatë gjithë kohës.
Të kuptosh se duhet të tërhiqem për një moment është shumë e vështirë, por do të provoj gjithçka për të gjetur një mundësi emocionuese për t’u kthyer në rrugën e duhur sa më shpejt të jetë e mundur.