Sigurohet dokumenti që Sektori i Dekriminalizimit prane Prokurorisë së Përgjithshme i ka dorëzuar sot KQZ lidhur me rezultatet e verifikimit për subjektin Tom Gjek Doshi.
Veç shpalljes non grata nga SHBA , Tom Doshi nuk rezulton të ketë indicie apo të dhëna a rrethana e fakte për veprimtari kriminale jashtë territorit të Shqipërisë, apo të jetë në hetim apo gjykim nga një autoritet i huaj si i dyshuar për kryerjen e ndonjë vepre penale.
Veprat penale në Shqipëri
Në pikën 2 rezulton se në 25 maj 1990 Tom Doshi ka qenë i dënuar me vendim të formës së prerë nga Gjykata e Durrësit prë kryerjen e kundravajtjes penale “Sjelljes së padenjë në shoqëri” dhe të ishte dënuar me 1 vit heqje lirie duke filluar vuajtja e dënimit nga data 26 shkurt 1990.
Po kështu rezulton se ka qenë person nën hetim apo i akuzuar për kryerje të veprës penale “Plagosje të rëndë me dashje” kryer në bashkëpunim dhe “sjellje të padenjë në shoqëri.”
Këtë çështje prokuroria e Durrësit e kishte dërguar për gjykim në datën 26 prill 1990.
“Organizim dhe pjesëmarrjes në grumbullime ,manifestime të paligjshme” procedim penal i regjistruar më 20 janar 2012 regjistruar në Prokurorinë e Përgjithshme.
“Goditje për shkak të detyrës” regjistruar në 13 mars 2008, dhe i pushuar një muaj më pas 12 maj 2008.
“Kallëzim i rremë” deklarim të rremë para prokurorit” dhe kanosje për deklarime a dëshmi, ekspertim ose përkthim të rremë”
“Refuzimit për deklarim, mosdeklarim, fshehje ose deklarim të rremë të pasurive dhe interesave private të personave të zgjedhur dhe nëpunësve publikë ose të cdo personi tjetër që ka detyrim ligjor për deklarim”
Nuk rezulton të jetë dënuar me vendim gjyqësor jopërfundimtar nga një autoritet gjyqësor shqiptar, për një çështje penale të pa zgjidhur me vendim gjyqësor të formës së prerë.
Më 26 mars 2015 rezultomn prokuroria të ketë lëshur urdhër ndalim si person I dyshuar për kallëzim të rremë” “deklarim të rremë para prokurorit” dhe kanosje për deklarime a dëshmi, ekspertim ose përkthim të rremë”.