Pas arrestimit të një prej bosëve më të mëdhenj të drogës, autoritetet kolumbiane janë të përqëndruara në shkatërrimin e bandës Clan del Golfo, rrjeti i trafikut të drogës, i shtrirë në 28 vende anembanë botës.
Në fund të muajit të kaluar, Policia arrestoi liderin e grupit, Dairo Antonio Usuga, i njohur ndryshe si “Otoniel”, i cili ishte bosi i drogës më i kërkuar në vend.
Ky kartel ka aleanca me pesë kartele ndërkombëtare dhe grupe mafioze dhe trafikojnë 20 ton kokainë në muaj.
Ky grup dërgon kokainë edhe në Shqipëri e po ashtu drejt SHBA, Belgjikës, Spanjës, Holandës, Gjermanisë, Francës, Irlandës, Britanisë, Italisë, dhe Ukrainës.
Grupi ka lidhje deri në Iran, Kinë, Australi dhe Emiratet e Bashkuara Arabe.