Nuk kanë munguar batutat nga ana e kryeministrit Edi Rama në takimin në Fier për tetë mars. Pasi tha se se është krenar që sot në kabinetin e tij janë 50% gra, ai shprehu admirimin për ato gra që mbajnë një barrë të dyfishtë.
“Ashtu sikundër dua të shprehë gjithë adminirimin e respektin e grave dhe vajzave të angazhuara në sektorin privat, që punojnë e mbajnë një barrë të dyfishtë, dhe atë të angazhimit të tyre në punë për të sjellë të ardhura në familje dhe atë në familje për të mbajtur burrat në formë për punë”, tha Rama.
“Të gjitha gratë në festë e protestë”, tha ai duke ftuar të gjitha të pranishmet në sallë për të kërcyer, e duke i kërkuar aktorit Gaz Paja të vendoste një muzikë që Rama dëshironte dhe që gratë të kërcenin ashtu siç ai dëshironte. “Futuni për vallëzim, jo për të më shqyer mua”, tha Rama.