Ende nuk ka shumicë të re parlamentare, cilësohet i habitshëm bashkëpunimi i shqiptarëve me partinë që kërkoi çnjohjen e Kosovës.
Rezultati i zgjedhjeve lokale në Maqedoninë e Veriut, ishte shkas që kryeministrin i këtij shteti, Zoran Zaev, të dorëzojë detyrën e shefit të Qeverisë.
E ky veprim i Zaevit aktivizoi taborin opozitar atje. Subjektet e opozitës, maqedone e shqiptare, me disa deputetë edhe nga mazhoranca, u bënë bashkë, siç thuhet nga ta, për të gjetur rrugë qe sjell stabilitet në shtet.
Fillimisht u raportua se janë siguruar numrat për shumicën e re parlamentare, e më pas u raportua për tërheqje të një deputeti. Lidhur me këtë, për T7 ka folur Arben Taravari, sekretar gjeneral i Aleancës për Shqiptarët.
Tutje Tavari foli edhe për mbështetjen e Levicës në rrëzimin e kësaj Qeverie, parti kjo e udhëhequr nga Dimitar Apasiev, me qëndrime të ashpra ndaj Kosovës, e cila kishte kërkuar edhe çnjohjen e saj. Ai tregoi ndër të tjera nëse kjo parti mund të jetë pjesë e qeverisë së re.
E që ka qenë e habitshme bashkimi i shqiptarëve me VMRO’në, e veçanërisht me partinë Levica, e thotë edhe gazetari dhe analisti, Arben Ratkoceri. Veç tjerash, Ratkoceri tha që për momentin është duke u zhvilluar luftë për numra, pasi që rezultatet janë 60 me 60 deri më tani.
Gjatë ditës, lidhur me situatën e krijuar ka folur para mediave, edhe zëdhënësi i BDI-së, Bujar Osmani. Ndërkohë kryetari i VMRO-DPMNE-së Hristijan Mickoski, të dielën ka bërë të ditur që në rast se Zaev nuk do e dorëzon dorëheqjen e tij të hënën, këta të fundit do t’i dorëzojnë nënshkrimet për votim të mocionit të mosbesimit.