Deputetja e Partisë Demokratike Rudina Hajdari ka uruar nga Shkodra gratë dhe vajzat për 8 Marsin, ku ishte e pranishme në një aktivitet në Vaun e Dejës me ambasadorin e BE-së, Luigi Soreca dhe deputeten socialiste Eglantina Gjermeni.
Vetëm kur njerëzit bëhen bashkë arrihen qëllimet, tha Rudina, teksa shtoi se “Duhet të punojmë bashkë në të gjitha fushat për të arritur gjërat elementare. Mos harroni kurrë se ju jeni forca e këtij qyteti, por duke punuar bashkë, duke ngritur zërin si sot, ne nuk do ishim në dijeni të problemeve dhe t’i adresonim ato”.
Në një prononcim për mediat, ajo ka thënë se do të jetë në krahë të grave, “në plotesimin e nevojave tuaja!”.
Pyetur nëse foli si deputete dhe a do të vazhdojë të mbajë mandatin, ajo ka dhënë përgjigje shkurt: Jo, fola si qytetare e Shqipërisë!