Një 38-vjeçar ka arritur të shpëtohet i gjallë nga një shpellë ku kishte mbetur i bllokuar për më shumë se 54 orë në Uells.
George Linnane u rrëzua në një të çarë të shpellës duke rënë nga një lartësi e madhe. Nga rënia, i riu nga Uellsi ka pësuar dëmtime të shumta, përfshirë thyerje të këmbës, nofullës dhe klavikulës.
Aktualisht Linnane është shtruar në spital ku po merr ndihmë mjekësore. Ngjarja ka ndodhur të shtunën rreth orës 13:00 në zonën e Brecon Beacons.
Për shpëtimin e të riut, sipas Daily Mail janë angazhuar 250 persona të emergjencave civile. Kjo për shkak se e çara ku kishte rënë Linnane ishte shumë e ngushtë.
Ata u detyruan të formonin një “litar me njerëz” për të zbritur deri në vendin ku kishte rënë i riu. Nëna e George Linnane ka falënderuar vullnetarët heronj që i shpëtuan jetën pasi operacion i madh i shpëtimit përfundoi dje me sukses.