Fëmijë dhe adoleshentë nuk mund të luajnë në sheshin e mbuluar të qendrës së vogël të qytezës. Ata që nuk i binden vendimit do të gjobiten nga 25 deri në 500 euro
Loja me top në shesh apo xhirot me biçikletë, dëmtojnë dekorin e qytetit dhe për më tepër zhurmat shqetësojnë banorët. Me këtë arsyetim kryebashkiaku i qytetit italian të Balegrës ka ndaluar lojën me top dhe biçikletat në sheshin qendror.
Fëmijët nuk mund të luajnë me top në shesh sepse shqetësojnë personat e tjerë dhe dëmtojnë dekorin publik. Është ky vendimi i kryebashkiakut të Belegras në Itali, një qytezë në provincën e Romës, i cili ka bllokuar gjithashtu dhe qarkullimin e biçikletave. Fëmijë dhe adoleshentë nuk mund të luajnë në sheshin e mbuluar të qendrës së vogël të qytezës. Ata që nuk i binden vendimit do të gjobiten nga 25 deri në 500 euro.
Kryebashkiaku këmbëngul në vendimin e tij duke thënë se hapësira është e të gjithëve, por loja me top dhe biçikletat e dëmtojnë. Kryebashkiaku Flavio Cera sqaroi se sheshi është mbuluar pikërisht për të qenë i përdorshëm gjatë 12 muajve të vitit.