Përdhunuesit, pedofilët dhe të gjithë personat e akuzuar për abuzime seksuale do të përballen me tredhje kimike.
Ky është vendimi drastik që mori parlamenti në Pakistan në vazhdën e protestave të masive në këtë vend, si pasojë e valës së shtuar të abuzimeve seksuale ndaj femrave dhe fëmijeve në këtë vend.
Parlamenti, raporton CNN , ka miratuar legjislacionin e ri, i cili synon të përshpejtojë dënimet dhe të vendosë dënime më të ashpra.
Dënimi me tredhje vjen si përgjigje ndaj një proteste masive publike mbi një valë të fundit të përdhunimeve kundër grave dhe fëmijëve në vend dhe kërkesave në rritje për drejtësi për viktimat e sulmeve seksuale.
Ligji kërkon që qeveria e Pakistanit të krijojë gjykata speciale në nivel kombëtar për të përshpejtuar gjykimet e përdhunimit dhe për të siguruar që rastet e abuzimit seksual të zgjidhen “shpejt, mundësisht brenda katër muajve”.
Ata që janë fajtorë për përdhunim në grup do të dënohen me vdekje ose burgim të përjetshëm .
Më pak se 3% e rasteve të sulmeve seksuale ose përdhunimeve rezultojnë në një dënim në Pakistan.
Kastrimi kimik – përdorimi i drogave për të reduktuar epshin ose aktivitetin seksual – është i ligjshëm në vende duke përfshirë Korenë e Jugut, Poloninë, Republikën Çeke dhe disa shtete të SHBA-së.
Sipas Amnesty International, kjo është një praktikë “mizore dhe çnjerëzore”, ndërsa autoritetet pakistaneze “duhet të fokusohen në reformat që trajtojnë shkaqet rrënjësore të dhunës seksuale dhe u japin viktimave drejtësinë që meritojnë”, tha organizata./tgcom