I ftuar në emisionin “Zonë e Lirë”, kreu i PD-së, Lulzim Basha ka folur rreth situatës politike ku ndodhet vendi, dhe për hapat e radhës që do të ndërmarrë opozita.
I pyetur nëse veprimet e fundit, djegia e mandateve dhe protesta, u bënë për arsye se Basha ka mbështetjen e Moskës, kreu i PD-së u përgjigj se dihet botërisht që ai është politikan europian.
“Kjo pjesë e propagandës më kujton propagandën e Hoxhës, kur nuk ke çfarë të bësh shpik armikun e jashtëm, më duket se janë po ata që hodhën idenë atëherë që e bëjnë. Por politikan më perëndimorë se unë nuk ka. Është Rama ai që i dha Rusisë naftën. Basha njihet botërisht për pikëpamjet e tij Europiane”, tha Basha.
Në lidhje me hapat e ardhshëm që do të ndërmarrë opozita, Basha u shpreh se protestat do të vijojnë dje se kjo krizë do të mbarojë me zgjedhje të parakohshme.