Atmosfera pritet të jetë jashtëzakonisht dinamike në fund të Nëntorit dhe fillim të Dhjetorit dhe modelet janë pothuajse “unanime” për këtë.
Masat ajrore ciklonike pritet të fuqizohen në rajonin tonë nga dita e Premte, por reshjet do të jenë kryesisht në formë të shiut.
Bazuar në ecuritë aktuale sinoptike rreth datës 29 ose 30 Nëntor pritet të kemi fjollat e para të dëborës në shumë pjesë të Republikës së Kosovës, normalisht edhe nëpër shumë ultësira dhe bora në viset kodrinore-malore sipas të gjitha gjasave tanimë është pothuajse e sigurtë, megjithatë ky ende mbetet vetëm një parashikim i bazuar në sinjale shumë serioze nga modelet më të njohura globale për parashikim të motit.
Me ardhjen e një fronti mjaft të ftohtë në fillim të javës së re priten reshjet e para të dëborës dhe bazuar në ecuritë aktuale sinoptike pas kalimit të këtij fronti do të kemi një tjetër ciklon i cili nga Italia pritet të na sjellë reshje atmosferike. Meqenësi ajri i ftohtë do të jetë prezent në atë kohë priten reshje të reja dëbore në fillim të Dhjetorit.
Kjo pak a shumë është gjendja sinoptike e cila pritet në fund të këtij muaji dhe fillim të Dhjetorit dhe për shkak të pyetjeve të shumta dolëm me këtë postim. Ndryshime të vogla në parashikim ende janë mëse të mundshme ngase në pyetje janë disa ditë dhe për çdo ndryshim dhe detaje tjera të rëndësishme ne do tju njoftojmë me kohë.
Në fund të themi se për sasinë e reshjeve ende është shumë herët dhe për të qenë sa më të saktë duhet të presim edhe ndonjë ditë./MeteoBallkan