Robert Aliaj ka shpërthyer kundër konkurrentëve të “Love Story 2” mbrëmjen e sotme. Gjatë spektaklit, pas takimit të Xhonit dhe të Klaudias, Roberti tha se mes konkurrentëve nuk ka joshje, ndaj edhe takimet e tyre janë më shumë se shoqërore. Arsyeja është që një pjesë e vajzave nuk dinë të joshin.
“Bisedat janë pa argument, janë sipërfaqësorë, janë në nivel pune, rutine të lodhshme. Këtu nuk ka joshje, asnjë nga femrat nuk josh. Provokimet janë në nivelet e banalitetit. “Love Story” është bërë sekser. Mes konkurrentëve nuk ka joshje. Nuk duhet që të vijnë aty dhe të marrin në intervistë njëri-tjetrin. Shoh që djemtë janë më mirë se vajzat”,- tha ai.
Ndërkohë i pyetur se çfarë mendon për martesat me mblesëri, tha se ata që e pranojnë këtë gjë janë idiotë.
“Mblesëria nuk ka vend në një shoqëri moderne, por ka vend për njerëz janë të paaftë. Ai që pranon mblesërinë e vazhdon vetëm se nuk ka personalitet. Bashkohen dy idiotë”, shtoi Roberti.