Aktori Laert Vasili thotë se debati mbi veprën “Prefekti” është shterpë dhe anashkalon thelbin e problemit që ka vërtet Shqipëria dhe shoqëria shqiptare.
Ai tha se shqiptarët harrojnë t’u kërkojnë llogari politikanëve, që 100-fishojnë pasurinë e tyre në politikë me gënjeshtra e mashtrime dhe sipas tij, sa më shumë gënjejnë dhe mashtrojnë, aq më shumë i do populli.
“Kur të zgjohet ky popull e të kuptojë se kanë 30 vite që e gënjejnë edhe e mashtrojnë. Kjo është mendësi e komunizmit që nuk ka dalë populli shqiptar të reagojë. Ka një thënie, qenin po e rrahe këlysh s’e ngre më kokën”, tha ai.
“Rrahja që i është bërë për 50 vjet popullit shqiptar nga ai regjim dhe në këto 30 vjet nga pasaardhësit dhe vazhduesit e atij regjimi…”, vijoi ai.