Një 52-vjeçar ka mbetur i plagosur, ndërsa në pranga ka rënë një 43-vjeçar. Ngjarja ndodhi rreth orës 11:30, në Fushë Arrëz. Burime zyrtare nga policia bënë me dije se shtetasi me inicialet F. M., 43 vjeç, gjatë një konflikti për motive të dobëta, ka goditur me mjet prerës thikë, shtetasin Dede Gjini, banues në Fushë Arrëz.
I dëmtuari ndodhet në spitalin e Pukës, nën kujdesin e mjekëve, jashtë rrezikut për jetën.
Falë veprimeve të shpejta dhe profesionale u bë e mundur kapja dhe shoqërimi në ambientet e Policisë, i autorit të dyshuar të ngjarjes.
Grupi hetimor po vijon punën për sqarimin e rrethanave dhe zbardhjen e ngjarjes.