Vizita e të dërguarit të Posaçëm për Ballkanin Perëndimor në Tiranë, Gabriel Escobar, ka qenë shkaku i një debati të fortë në sudion e “Opinion” mes deputetit Ervin Salianjit dhe Arben Ristanit.
Ky i fundit e quajti kriminel Salianjin, duke shtuar se është dënuar me burg.
Ndërsa deputeti i PD-së e akuzoi Ristanin se kishte marrë leje për ndërtime në zonën e ish-Bllokut.
Pas debateve të forta, moderatorja Eni Vasili u detyrua të ndërpriste emisionin.
Pjesë nga biseda
Arben Ristani: Je kriminel. Ky njeri këtu është kriminel, është dënuar me burg.
Eni Vasili: Po tani, nëse nuk e ka kapur ligji për dekriminalizimin, ju e keni bërë.
Arben Ristani: Eshtë kriminel, gjykata e ka dënuar.
Eni Vasili: Po unë e njoh si deputet të Kuvendit të Shqipëri, pse s’e kap ligji për dekriminalizimin?
Ervin Salianji: Të dalë e të flasë ky zotëria këtu për dënime e shkelje… Ky që ka marrë leje ndërtimi nga kryebashkiaku Erion Veliaj në ish-Bllok. Ky…
Arben Ristani: Unë nuk kam ndërtuar kurrë në Bllok…
Ervin Salianji: Ke marrë dhe ke marrë… Mos të them tani, ore ke marrë leje ndërtimi nga Veliaj e shkoni nëpër foltore ju.
Arben Ristani: Jo, aspak.
Ervin Salianji: Nëse kjo nuk del e vërtetë, unë heq dorë nga mandati i deputetit, e lë që sot…
Arben Ristani: Ti je dënuar, je kriminel.
Ervin Salianji: Nëse Ramiz Alia i quante kriminelë ata që i dolën përpara në dhjetor, edhe unë ashtu jam. le të jem.
Arben Ristani: Ore, po je dënuar.
Eni Vasili: Ju lutem, kalojmë në publicitet.