11 fidera që furnizojnë rrethet Dibër, Bulqizë e Mat kanë pësuar defekte për shkak të reshjeve të dëborës dhe erës së fortë.
Burime pranë Operatorit të Sistemit të Shpërndarjes në Rajonin e Burrelit bënë me dije se ekipet e të gjitha agjensive janë në terren prej orëve të mëngjesit për të riparuar defektet e shumta që kanë ndodhur, sidomos në zonat e thella të Qarkut Dibër.
“Kemi riparuar 6 nga 11 fiderat që kishin defekte, thanë zyrtarë të OSSH Burrel. Me kritike paraqitet gjendja në Sllovë, Zallë Dardhë, Arras e Gollobordë. 5 fidera nuk janë rikthyer ende në punë. Ekipet po punojnë kudo për të mundësuar rikthimin e energjisë, por dëmet e shkaktuara janë të mëdha”, shtuan drejtuesit e OSSH-së.