Këngëtarit shqiptar Gena i është ndaluar hyrja në Shtetet e Bashkuara të Amerikës.
Sipas dokumenteve të siguruara nga gazeta Metro, rezulton se Briken Lito, emri i vërtetë i këngëtarit, nuk ka paguar tatimet për koncertet e shumta që ka mbajtur në SHBA.
Gjithashtu u raportua se e njëjta gjë ka ndodhur edhe me këngëtarin nga Kosova, Shkëlzen Jetishi.
Para disa kohësh, një ndalesë të tillë ka patur edhe këngëtari Afrim Muçiçi, dhe siç duket tani Ambasada amerikane masa të tilla ndalimi do të fillojë të praktikojë tek secili këngëtar që do të mundohet të marrë vizë turistike, e që ato viza i shfrytëzojnë për të mbajtur koncerte nëpër SHBA.
