Mbrëmja mbërriti dhe si çdo e martë ka nisur edhe spektakli i ‘’Big Brother Vip’’.
Ndryshe nga më parë, kjo mbrëmje prezantoi edhe një ndryshim në lojën e banorëve.
Në shtëpi do të jetë e pozicionuar ‘’Kutia e Pandorës’’ e cila do të vërë banorët në vështirësi.
Banorët do të duhet që të vendosin për plotësimin e një dëshire, kërkesë apo edhe tekë të tyre.
Nëse ata do të zgjedhin ta hapin ‘’Kutinë e Pandorës’’ do të duhet të kenë parasysh se ajo mund të ketë pasoja individuale apo edhe për gjithë pjesën tjetër të banorëve.
Detajet e tjera të kësaj lojë do të jepen në spektaklet në vazhdim por një gjë është e sigurtë se për banorët nuk do të jetë aspak një zgjedhje e lehtë.
