Partia Demokratike ka nisur prej kohësh tashmë protestat duke kërkuar qeveri tranzitore dhe zgjedhje të lira e të ndershme. Nëpër këto protesta është dëgjuar mjaft shprehja “Azem ti je gjallë”, apo “E duam Shqipërinë si gjithë Europa”, ashtu siç kërkonte Azemi 29 vite më parë.
Por nëse sot do të ishte gjallë, Azem Hajdari do të mbushte 56 vjeç, por askush nga eksponentë të Partisë Demokratike nuk e ka përkujtuar këtë datë, edhe pse emri i tij po përmendet shumë shpesh në protesta.
Vajza e tij Rudina ka zgjedhur të kujtojë të atin në Facebook, dhe me një mesazh indirekt për demokratët aktuale: Sot në ditën e lindjes së tij kujtojmë me krenari dhe përulje kontributin dhe sakrificën e tij të pakufij për Shqipërinë dhe Kosovën.
Kujtojmë që Rudina është nga ata deputetë të opozitës që nuk pranoi të dorëzonte mandatin e deputetit. Ndërkohë që i vëllai Kiri u pa në protestat e demokratëve.