Në Tiranë ka nisur depistimi masiv i shkollave dhe universiteteve.
Epidemiologu Rexhep Mujo thotë se ky hap u ndërmor për të zbuluar asimptomatikët dhe për të ndërprerë zinxhirin infektues.
“Synimi jonë është depistimi, kryesisht në shkolla gjimnaze dhe studentë. Nuk mund të marrim si indicie nëse kemi një rast në një klasë apo fakultet. Këtë po e bëjmë për të kapur asimptomatikët pozitivë, për të ndërprerë zinxhirin. Një tjetër indicie është fakti që një prind është pozitiv apo një shkollë është pozitiv për të bërë më pa depistim”, thotë Mujo për TV “Klan”.
Më të prekurit janë grupmosha 15-25 vjeç.
“Grupmosha e moshave shkollore, kryesisht ato të shkollave të mesme janë me shumë raste, sepse rrinë të grupuar. Pikërisht për këtë po bëjmë depistim nëpër shkolla që edhe ata asimptomatikët ti izolojmë. Prandaj po bëhen depsitime”, shtoi ai.
Situata e Covid paraqet në një rënie të lehtë, por sërish problem mbeten zonat e populluara në kryeqytet dhe vatrat familjare.