Të dhënat e INSTAT tregojnë se 91% e qytetarëve që zotërojnë një makinë e kanë atë më të vjetër se 10 vite edhe pse automjetet e vjetra kanë më shumë taksa në krahasim me automjetet e reja.
Nëse i ndajmë sipas viteve 26% e autoveturave që qarkullojë në vend janë të prodhuara përpara vitit 2000, ose më shumë se 20 vjet të vjetra. Automjetet me më shumë se 10 vite zënë 65% të totalit të automjeteve në vend dhe janë prodhim midis viteve 2000-2010.Ndërsa Vetëm 9% e autoveturave rezultojnë se janë më pak se 10 vjeçare.
Përsa i përket markave shqiptarët vijojnë të preferojnë makinat e prodhuara në Gjermani. Nga të dhënat e INSTAT rezulton se nga 540 mijë automjete 18.2% janë Mercedes Benz të cilat renditen të parat, më pas vjen Volkswagen me 17% të totalit dhe e treta “Daimler Chrysler” .
Në vitin 2020, numri gjithsej i mjeteve rrugore me status “aktiv” dhe “të çregjistruar përkohësisht” rezulton 676.811 mjete, duke u rritur me 7,6 % nëse e krahasojmë me periudhën para pandemisë.
Sipas raportit konstatohet se qytetarët shqiptarët preferojnë automjetet me kambio “Manuale” pasi ato zënë pjesën më të madhe me rreth 65 % Ndërsa numri më i madh i autoveturave që qarkullojnë në vendin tonë deri në vitin 2020, përdorin lëndë djegëse “naftë”, ndjekur nga autoveturat që përdorin “benzinë” me 18,2%.