Ish-deputetja socialiste Arta Dade ka komentuar zhvillimet e fundit politike.
Ajo tha se plani i Sali Berishës është të tregojë se ka mbështetje. E gjithë kjo situatë vjen, sipas Dades, ngaqë mitingu i sotëm ka të bëjë me “non grata”-n e Berishës.
Zonja Dade u shpreh se “nuk i shkon Berishës të dalë e ta shesë veten si patriot”.
“Nuk i shkon Berishës të dalë e ta shesë veten si patriot. Ka pasur momente që Berishën historia nuk e nxjerr mirë në raport me Kosovën. Fishekët shqiptarë të çuar përmes Bullgarisë në Bosnje. Ka momente që Berisha nuk i ka bërë nder çështjes së Kosovës. Mitingu i sotëm ka të bëjë me çështjen ku ndodhet Berisha, për të treguar se ka mbështetje. Jam në favor të Procesit të Berlinit. Shtimi i nismave dhe mbivendosja e tyre nuk është gjë e mirë, por s’mund të kalojmë në ekstrem e të themi që Kosova është vendosur në darë”, tha Dade.