Big Mama ka zbuluar miqësinë e ngushtë që ka krijuar prej rreth dy vitesh me Andin, një djalë me aftësi të veçanta që i ka qëndruar pranë që kur e ka njohur.
Teksa transmetohej mesazhi që vinte nga familja e Andit për mbështetjen që i japin në Big Brother, Big Mama nuk mbajti dot lotët.
Nëna e djalit kishte shkruar një letër për artisten, ku i uronte fitoren dhe e falenderonte për gjithçka ka bërë për të birin.
“Unë e kam fituar Big Brother-in tim me Andin. E dua shumë. Më mungon. E mendoj gjatë gjithë kohës. Që kur jemi njohur, nuk jemi ndarë asnjëherë. Nëse kalonin dy ditë pa u takuar, komunikojmë me video call”, rrëfen Big Mama.
Ajo falenderon dhe nënën e Andit, për besimin që i ka dhënë: “Kanë besim shumë të unë. Ai fle te unë, rri tek unë. Mund të rri me të pa fund”.