Eshtë identifikuar 35-vjeçari që u vra me armë zjarri brenda një makine me targa gjermane, në Kodër-Kamëz.
Mësohet se viktima është Can Karroqi, 35 vjeç, banues në lagjen nr.1, në Bathore.
Ai është qëlluar teksa ndodhej brenda mjetit të tij në zonën e njohur si Kodër Kamëz. 35-vjeçari Karroqi u gjet i plagosur rëndë brenda mjetit dhe u dërgua në spital, por rrugës ndërroi jetë.
I riu është vrarë me silenciator nga persona ende të paidentifikuar që udhëtonin me një mjet të tipit “Audi”, me ngjyrë të zezë dhe pa targa.
Pas krimit, makina është gjetur e djegur në zonën e Institutit Bujqësor.
Dyshohet se ngjarja ka lidhje me ngjarjen në zonën e “Astirit”, pak kohë më parë, kur u ekzekutuan Erigers Mihasi dhe Armando Dumani.