Sot pasdite, banorët e Big Brother VIP janë mbledhur së bashku, duke diskutuar disa prej ngjarjeve më të përfolura në shtëpi.
Me anë të disa klipeve, ata janë ndarë në dy grupe për të diskutuar pro dhe kundër.
Një ndër temat rreth të cilave u fol ishte debati Semi-Ilir. Semi i nxori gishtin e mesit Ilirit, i cili e konsideroi si fyerje.
Një pjesë e madhe e publikut ishte kurioz se çfarë qëndrimi ka Donaldi sot lidhur me këtë debat. Ai ka mbrojtur Semin, ndërsa Ilirin e ka konsideruar lojtar.
“Dy javët e para nuk kanë qenë fantastike për të gjithë. Iliri është lojtar dhe të vetmit njerëz që kemi qenë të afërt nga jashtë jemi unë dhe Semi. Ai (gjest) ishte shumë i vogël për t’u bërë aq i madh. Dy javët e para ishin për të treguar kush ishte lideri i shtëpisë. Ti fillove të gatuaje, të merrje pranë Sabianin, Monikën, Arjolën. Ishin lëvizjet e para të tua si lojtar”, tha Donaldi.