Politikani i njohur Paskal Milo tha se kriza aktuale politike i ka rrënjët tek ndryshimet kushtetuese të vitit 2008. Ai u shpreh se këtë fenomen e kanë gatuar dy partitë e mëdha politike dhe zgjidhja sipas tij është rikthimi i asaj nate të gjatë prilli.
“Sigurisht nuk them ndonjë gjë të re po të përsëris që është e paprecedentë, por para se të them se është e paprecedentë, këtë fenomen e kanë gatuar dy partitë e mëdha politike me ndryshimet dramatike që i bënë Kushtetutës dhe Kodit Zgjedhor të vitit 2008. Kjo është shfaqja më tipike e atyre ndryshimeve të paprecedente dhe që prodhojnë sot situata të paprecedente. Nëse PS dhe PD duhet të japin zgjidhje afatgjatë dhe të mos riciklojnë kriza të tmerrshme duhet t’i kthehen asaj nate të gjatë të prillit të vitit 2008, ku si dele përjashto 7 deputetë votuan kokëulur,” tha Milo.
Sipas tij krerët e partive janë arrogantë dhe listojnë si kandidatë për deputetë kë të duan ata. Milo shprehet se ligji ekzistues duhet të bjerë, pasi ai bën që në Parlament të vijnë kriminelë. Me sistemimin e vjetër zgjedhor kur një deputet do të ikte, do të shpalleshin zgjedhje në atë zonë ku largohet deputeti.