Një 31 vjeçar nga qyteti i Bulqizës është arrestuar sot nga efektivët e Policisë pasi teksa lëvizte në aksin Bulqizë-Fushë Bulqizë ka humbur kontrollit e mjetit dhe ka aksidentuar rëndë një të moshuar.
Policia lokale bëri me dije se ka shoqëruar drejtuesin e makinës dhe po punon për zbardhjen e ngjarjes.
Njoftimi i Policisë Dibër:
Me datë 25.12.2021, në aksin rrugor Bulqizë-Fushë Bulqizë, shtetasi B. R., 31 vjeç, duke drejtuar automjetin e tij ka humbur kontrollin dhe për pasojë ka aksidentuar një shtetase 78-vjeçe, e cila është dërguar në spitalin e Traumës, Tiranë për ndihmë më të specializuar.
Drejtuesi i mjetit është shoqëruar në Komisariat, dhe nga grupi hetimor vijon puna për zbardhjen e rrethanave të aksidentit.