Një ngjarje e rëndë ndodhi mbrëmjen e kësaj të enjteje, në Malin e Munellës (Pukë), ku gazetari Alfred Lela dhe 4 persona të tjerë kishin shkuar për një reportazh dhe eksplorim në këtë zonë.
Gjatë rrugës ata janë rrëzuar dhe dy prej tyre kanë përfunduar disa metra në greminë. Dorien Malaja, Gisel Dollani dhe Alfred Lela morën dëmtime të lehta, ndërsa Ndoc Mula, i cili nuk po gjendej prej disa orësh mësohet se u gjet i vdekur. Ndërkohë, pas 6 orë kërkimesh u gjet në gjendje të rëndë shëndetësore alpinisti Ilir Shyti. Ai u dërgua në spital për trajtim mjekësor.
Policia ndodhet në vendin e ngjarjes.