Çlirim Gjata është takuar sot në qytetin e Burrelit me mbështetësit e Berishës.
Pas një incidenti me policinë lokale, për parkim të gabuar të mjeteve që e shoqëronin Gjata dhe ish deputeti i PD-së Bedri Hoxha, janë takuar me disa militantë të kësaj partie në qytetin verilindor.
Mësohet se qëllimi i kësaj lëvizje e të deleguarit të grupit të rithemelimit të Partisë Demokratike ishte dërgimi i mbështetësve të Berishës në protestën që do të mbahet nesër para selisë qëndrore të PD-së, në Tiranë.
Gjata dhe Hoxha kanë kërkuar nga ish drejtorët e kohës së Berishës të dërgojnë sa më shumë njerëz nesër në kryeqytet, madje thuhet se janë diskutuar edhe modalitetet e transportit të mbështetësve.
Të njëjtën gjë Gjata dhe ish deputetë e ish kryetarë bashkisë të Qarkut Dibër kanë bërë edhe në Klos, Bulqizë e Dibër.