Eduardo Chiarolanza, 47-vjeçari që vuante nga probleme psikiatrike, i cili shtatorin e kaluar pranoi se kishte vrarë dhe copëtuar nënën e tij 84-vjeçare, Eleonora Di Vicino, në lagjen Pianura të Napolit, vdiq në spitalin Cardarelli ku ndodhej i shtruar.
Chiarolanza ishte plagosur dhjetë ditë më parë në një sulm të pësuar në burg nga duart e një të burgosuri tjetër me probleme psikiatrike, me të cilin ndante qelinë.
Sipas asaj që mësohet, vdekja e Chiarolanza-s, ndonëse ka ndodhur në një repart Covid të spitalit napolitan, do t’i atribuohet dëmtimeve të thella të kokës të shkaktuara nga një mjet i mprehtë,.
Sindikatat e policisë së burgjeve janë shprehur vazhdimisht kundër menaxhimit mjaft problematik të të burgosurve që vuajnë nga probleme psikiatrike në burgje.