Gentjan Bejtja, i cili i shpëtoi një atentati dje në Fushë Krujë, rezulton me një të shkuar jo pak problematike, që dyshohet se solli dhe ngjarjen.
Ish-efektivi i policisë njihet ndryshe edhe si anëtar i bandës së Niklës, ndërsa disa vite më parë ai së bashku me Enver Stafuka u arrestuan pasi kishin vjedhur autoveturën e cila u përdor në vrasjen e kryekomisar Dritan Lamajt në vitin 2013.
Policia ka shoqëruar disa persona të cilët mendohet të kenë parë lëvizjet e atentatorëve si dhe janë sekuestruar kamerat e sigurisë në disa biznese në zonë për të parë nëse kanë fiksuar material të vlefshëm për zbardhjen e ngjarjes.
Ai ka qenë pre e një atentati tjetër në vitin 2016 ku një sasi eksplozivi iu vendos makinës së tij e cila shpërtheu në lëvizje. Në atë kohë Bejtja u plagos rendë dhe fill pas asaj ngjarje ai u largua drejt Italisë.