Përfundon seanca e marrjes në pyetje nga prokuroria të Lulzim Bashës, lidhur me protestën e 8 Janarit.
Basha ka hedhur akuza ndaj Sali Berishës duke thënë se orkestroi dhunën para PD. Ndërsa ka shtuar se ai ka dy thirrje, e para për të çuara para ligjit përgjegjësit e dhunës që shpërtheu para PD më 8 janar. Së dyti Basha është shprehur se nuk duhet humbur asnjë sekondë për të vazhduar luftën kundër “regjimit” të Edi Ramës.
“U thirrën për t’u përdorur si fasadë, një pjesë shumë e vogël iu përgjigj thirrjes, por u distancuan nga dhuna, egozimi pa kufi po i Sali Berishës po i shkakton shumë dëme PD-së për interesat e tij personale. Kërkoj zbardhjen e plotë dhe vendosjen para përgjegjësisë të organizatorëve frymëzuesve të dhunës, e të jemi një orë e më parë në krye të betejës që ta çlirojmë Shqipërinë nga ky makth. Kohë e çmuar mediatike që duhet të vihej në dispozcion të të mirës publike, kjo prokurori duhet të vlonte nga të arrestuarit për afera korruptive. Me gjuhën e dhunës Sali Berisha është përpjekur që ta frenojë këtë. Demokratët ja kanë dalë që të tregojnë se nuk mund të bëhen pjesë e inskenimit të dhunës. PD mbetet një forcë politike e pjekur dhe e mençur. Kështu duhet ta shihni 8 janarin, jo si një ngjarje izoluar, por si një pjesë e një grupi njerëzish që duan ta mbajnë për interein tyre personal. Nga ana tjetër janë shqiptarët dhe demokratët që duan ndryshimin dhe jemi të vendosur që mos të lëshojmë pe. E sotmja si 8 janari kanë hyrë në historinë e demokratëve si ditë të dhimbshme.’- u shpreh Basha.