Spitali rajonal Lezhë drejt transformimit rrënjësor. Ministria e Shëndetësisë dhe Mbrojtjes Sociale financon rikonstruksionin e spitalit Lezhë që përfshin ndërtimin e godinës së re të maternitetit, rikonstruksionin e godinës së spitalit dhe rikonstruksionin e poliklinikës së specialiteteve.
Ka filluar proçedura e prokurimit të fazës së parë, ndërtimi i godinës së re të Maternitetit Lezhë me një fond prej 295 milion lekësh e parashikuar për tu përfunduar për një periudhë 24 mujore.
Godina e re bashkëkohore e Maternitetit Lezhë do të jetë brenda kampusit spitalor me një numër prej 50 shtretërish dhe do të ketë 1 kat nëntokë dhe 4 kate mbi tokë. Ky është investimi më i madh prej dhjetra vitesh i parashikuar për spitalin rajonal Lezhë i cili do të shëndrrojë totalisht infrastrukturën spitalore duke ofruar një standard të ri të shërbimit mjekësor në Lezhë.