Ministria për Evropën dhe Punët e Jashtme ka njoftuar ditën e sotme se Zvicra ka lehtësuar masat për hyrjen e shqiptarëve në territorin e saj. Duke filluar nga data 22 janar shqiptarëve që janë vaksinuar ose shëruar nga Covid nuk do t’iu kërkohet një test negativ PCR ose i shpejtë antigjen për të hyrë në Zvicër. Shqiptarët që udhëtojnë me avion apo me autobus nga distanca të gjata duhet të plotësojnë një formular para hyrjes në Zvicër.
Njoftimi
Ministria për Evropën dhe Punët e Jashtme, njofton se për udhëtimet drejt Zvicrës, nga data 22 janar 2022: Personave që janë vaksinuar ose që janë shëruar nga Covid-19, nuk do t’ju kërkohet më të paraqesin një test negativ PCR ose test të shpejtë antigjen, përpara se të hyjnë në Zvicër; Duhet plotësuar formulari i hyrjes për në Zvicër, vetëm nga personat që udhëtojnë me avion apo me autobus nga distanca të gjata:
Përjashtim për të paraqitur një test anti-covid janë fëmijët nën moshën 16 vjeç, emergjencat mjekësore dhe personat që për arsye mjekësore nuk mund te testohen. Nga rregullat e sipërpërmendura përjashtohen drejtuesit e automjeteve që kryejnë transport dhe personat që tranzitojnë në Zvicër pa ndaluar. Për më shumë informacion, vizitoni faqet zyrtare të autoriteteve përgjegjëse zvicerane: