Një aksident i rëndë ka ndodhur para pak minutash në aksin rrugor Shkodër-Koplik. Një 58-vjeçare ka humbur jetën, ndërsa është plagosur rëndë vajza e saj vetëm 18 vjeçe.
Informacionet paraprake të policisë bëjnë të ditur se ato ishin duke kaluar rrugën ën vendin e quajtur “5 heronjtë”, në lagjen Dobraç të Shkodrës, kur mjeti me drejtues S. D nga Malësia e Madhe i ka aksidentuar.
Shkodër/ Informacion Paraprak
Më datë 13.03.2019, ora 14.05, në aksin rrugorë Shkodër-Koplik, në vendin e quajtur “5 Heronjt”, lagje Dobraç, Shkodër, mjeti me drejtues shtetasin S. D. banues në Boriç i Vogël Malësi e Madhe, ka aksidentuar dy këmbësore.
Shtetasja H. B. 58 vjeçe, banuese në Shkodër, e cila ka ndërruar jetë në Spitalin Rajonal Shkodër dhe E. B. 18 vjeçe, ndodhet nën kujdesin e mjekëve.
Drejtuesi mjetit është shoqëruar në ambjentet e D. V. P Shkodër për veprime të mëtejshme
Po kryhen veprimet me Grup Hetimor për sqarimin e rrethanave të aksidentit.