Një person është arrestuar mbrëmjen e kësaj të enjteje në Kukës, pas një aksioni të zhvilluar nga Forcat e Ndërhyrjes së Shpejtë.
Është vënë në pranga 31-vjeçari S.E. i cili ndodhej nën masën e sigurisë “arrest shtëpie”.
I riu, në momentin e arrestimit dhe gjatë kontrollit fizik që iu bë, iu gjet një sasi e vogël e dyshuar me lëndë narkotike kokainë.
S.E. nuk është një emër i panjohur për policinë.
Në vitin 2014, S.E. dhe dy vëllezërit e tij morën peng dhe dhunuan fizikisht një të ri për të cilin dyshonin se u kishte grabitur biznesin.